Fili carissime, digne censeri
videtur filius, qui, paternos in bonis mores imitans, piam ejus
nititur exequi voluntatem; nec proprie sibi sumit nomen heredis, qui
salubribus predecessoris affectibus non adherit: Cupientes igitur, ut
piam affectionem et scinceram delectionem, quam erga monasterium de
Melros, ubi cor nostrum ex speciali devotione disposuimus tumularidum,
et erga Religiosos ibidem Deo servientes, ipsorum vita sanctissima nos
ad hoc excitante, concepimus; Tu ceterique successores mei pia
scinceritate prosequarimi, ut, ex vestre dilectionis affectu dictis
Religiosis nostri causa post mortem nostrum ostenso, ipsi pro nobis ad
orandum ferveucius et forcius animentur: Vobis precipimus quantum
possumus, instanter supplicamus, et ex toto corde injungimus, Quatinus
assignacionibus quas eisdem yiris Religiosis et fabrica Ecclesie sue
de novo fecimus ac eciam omnibus aliis donacionibus nostris, ipsos
libere gaudere permittatis, Easdem potius si necesse fuerit
augmentantes quam diminuentes, ipsorum peticiones auribus benevolis
admittentes, ac ipsos contra suos invasores et emuios pia defensione
protegentes. Hanc autem exhortacionem supplicacionem et preceptum tu,
fili ceterique successores nostri prestanti animo complere curetis,
si nostram benedictionem habere velitis, una cum benedictione filii
summi Regis, qui filios docuit patrum voluntates in bono perficere,
asserens in mundum se venisse non ut suam voluntatem faceret sed
paternam.
Pages:
634
635
636
637
638
639
640
641
642
643
644
645
646
647
648
649
650
651
652
653
654
655
656